Apple компанияси ўз қурилмалари учун оригинал қисмлар ва асбобларни сотишини эълон қилди, энда фойдаланувчилар уларни ўзлари мустақил таъмирлашлари мумкин.
Бу услубда таъмирлаш хизмати iPhone 12 ва 13 телефонлари учун мавжуд бўлади, келажакда эса, Apple компаниясининг фикрига кўра, бу амалиёт М1 чипли Маc компютерларида ҳам қўлланилади. 2022-йил бошида хизмат АҚШда, бошқа мамлакатларда эса бир йил ичида ишга туширилади.
Apple ширкати фойдаланувчилар iPhone учун 200 дан ортиқ қисмлар ва асбобларни сотиб олишлари мумкин бўлган онлайн-дўкон яратишни режалаштирмоқда. Бошида унда дисплей, батарея ва камера каби энг кўп хизмат кўрсатиладиган модуллар мавжуд бўлади, кейин эса уларнинг сони кўпаяяди.
Apple мобиль қурилмаларни ўзи таъмирлаш хизмати электрон қурилмаларни таъмирлаш бўйича билим ва тажрибага эга бўлган фойдаланувчилар учун эканлигини таъкидлади. Компания мижозларнинг қолган қисмига смартфонларни ремонт қилишда сертификатланган таъмирлаш устахоналарига мурожаат қилишни тавсия қилди.
Ўтган йилларда, деб ёзади Bloomberg агентлиги, Apple ўз-ўзини таъмирловчи iPhoneларга қарши чиққан ва бу уларнинг эгаларига хавф туғдириши, интеллектуал мулкка таҳдид солиши ва хакерларни рағбатлантиришига урғу берган эди.
