Apple компанияси тақиқланган материалларни қидириш учун iCloudга юкланган суратларни сканерламаслигини расман тасдиқлади. Бу ҳақда WIRED нашри хабар қилди. Шунингдек, малумотни АҚШ ширкатининг дастурий таъминотни ишлаб чиқиш бўйича вице-президенти Крейг Федериги ҳам тасдиқлади.
“Ўтган йили биз таклиф қилган болаларни ҳимоя қилиш ташаббуслари бўйича фикр-мулоҳазаларни йиғиш учун экспертлар билан кенг кўламли маслаҳатлашувлардан сўнг биз 2021 йил декабрь ойида тақдим этган “Алоқа хавфсизлиги” хусусиятига инвестицияларимизни чуқурлаштирмоқдамиз. Бундан ташқари, биз илгари таклиф қилган iCloudдаги фотосуратлар учун CSAM аниқлаш воситасини тарғиб қилмасликка қарор қилдик. Болаларни компаниялар шахсий маълумотларга кирмасдан ҳимоя қилиш мумкин ва биз ҳукуматлар, болалар ҳимоячилари ва бошқа компаниялар билан ёшларни ҳимоя қилиш, уларнинг шахсий дахлсизлигига бўлган ҳуқуқларини ҳимоя қилиш ва интернетни болалар ва барчамиз учун хавфсизроқ жойга айлантиришда ёрдам беришда давом этамиз”, — дейидаги хабарда.
Эслатиб ўтамиз, Apple 2021 йил август ойида iCloudда фойдаланувчилар томонидан юкланган суратларни сканерлаш функциясини эълон қилди, лекин уни ҳеч қачон iOSга қўшмаган. Компаниянинг таъкидлашича, тизим болалар билан тақиқланган саҳналарни ўз ичига олган расмларни автоматик равишда қидиради.
Функция эълон қилингандан сўнг, Apple инсон ҳуқуқлари фаоллари, хавфсизлик бўйича экспертлар ва расмийлар томонидан танқид қилинди.
