Ўзбекистонда кўплаб мухлислари бўлган Motorola ширкати Edge+ номи остида флагман смартфонини тақдим қилди. Қурилманинг асосий жиҳати – 108-мегапикселли кенгбурчакли камера бўлиб, F1,8 ўлчамдаги диафрафмага эга.
Бундан ташқари, телефонда 16-мегапикселли F2,2 диафрагмали қўшимча камера ҳам мавжуд. Учинчи камера 8-Мпли камера оптик зумга эга. Камераларда тасвирни оптик стабилизациялаш функцияси мавжуд. Телефон дисплейига жойлаштирилган селфи-камера 25-Мпли.
Motorola edge+нинг 108-Мп камерасида олинган расмлар
Motorola edge+нинг 108-Мп камерасида олинган расмлар
Motorola edge+га “шаршарали” OLED-экран ўрнатилган бўлиб, дисплей рамкага эга эмас. Бундай экранларни биз олдин HUAWEI Mate 30 Pro ва Vivo Nex 3 телефонларида кўрган эдик. Телефонда 3,5 мм аудиоразъём ҳам бор.
Motorola edge+нинг техник хусусиятлар:
- Qualcomm Snapdragon 865;
- 12 ГБ оператив LPDDR5 хотира;
- 256 ГБ доимий хотира;
- Дисплей остига ўрнатилган бармоқлар сканери;
- 5G-тармоғида ишлаш;
- Стереодинамиклар;
- Wi-Fi 6, Bluetooth 5.1;
- NFC-модуль;
- 5000 мАс аккумулятор
- TurboPower тзкор зарядлаш (18 Вт) имкони.
Телефон камчилиги сифатида eSIM-карта технологиясини қўллаб-қавватламаслигини айтиш мумкин. Телефонда атига битта SIM-карта слоти бор холос.
АҚШда Motorola edge+ 1000 долларга сотилади.
