Хитойда Coolbi 14S Ultra номли смартфон сотувлари бошланди, қизиғи, янги модель Xiaomi 12S Ultra дизайнини тўлиқ такрорлайди. Янги клоннинг 10 ГБ/128 ГБ версияси маҳаллий бозорда атиги 113 доллардан сотилмоқда. Қурилма 6,8 дюймли экран ва 6800 мА/соатли аккумулятор ҳам ўрнатилган.
Онлайн дўкон маълумотларига кўра, Coolbi 14S Ultraнинг асосий камераси 48-МПли бўлиб, оптик тасвир барқарорлигини таъминлайди. Олд камера эса 32 МПлик. Ишлаб чиқарувчи, шунингдек, сифатли совутиш тизими ва 15 та ўрнатилган антенналар туфайли юқори сигнални қабул қилиш даражасини ҳам ваъда қилмоқда.
Бироқ, Coolbi 14S Ultra яратувчилари нафақат Xiaomi 12S Ultra дизайнини, балки OnePlus шиорини — Never Settle ҳам кўчириб олишган.
Эълон қилинган хусусиятлар қанчалик ҳақиқатга мос ва Xiaomi компанияси бунга қандай муносабат билдиргани ҳақида маълумот йўқ.
Манба: mydrivers
